"KimyaFobiya ilə Mübarizə" adlı layihə çərçivəsində

orta məktəb şagirdləri ilə üçüncü görüş təşkil olundu

 

                Azərbaycan Respublikası Təhsil Nazirliyinin təşkil etdiyi "Təhsildə İnkişaf və İnnovasiyalar Üzrə I Qrant Müsabiəqəsi"nin qalibi olmuş "KimyaFobiya ilə Mübarizə" adlı layihə çərçivəsində orta məktəb şagirdləri ilə ikinci görüş 17 noyabr tarixində Quba şəhər 2 saylı məktəb-liseydə baş tutdu.  Saat 12:00-da başlayan tədbir 14:00-a qədər davam etdi. Tədbirdə öncədən onlayn qeydiyyat formunu dolduraraq qeydiyyatdan keçmiş yüzə yaxın şagird iştirak edirdi.

                Öncədən müəyyənləşmiş proqram əsasında təşkil olunan görüş aparıcı Könül Əzizəliyevanın çıxışı ilə başladı. Daha sonra söz layihə rəhbəri Vəli Əliyevə verildi. Layihə rəhbəri öz çıxışında Təhsil Nazirliyinin təşkil etdiyi I qrant müsabiqəsi haqqında ətraflı məlumat verdi, qalib gəlmiş layihə çərçivəsində görüləcək işlərdən danışdı. Sonra kürsüyə tədbirin təşkil olunduğu 2 saylı məktəb-liseyin nümayəndəsi Yaqut xanım dəvət olundu.

                Açılış çıxışlarının ardından söz "Günün qonağı" qismində könüllü olaraq qeydiyyatdan keçmiş və layihə rəhbərliyi tərəfindən görüş üçün seçilmiş Vüsal Kərimov və Yaqut Nağıyevə verildi. İlk çıxış edən Vüsal Kərimov şagirdlərə "Şokolad İstehsalı" başlığı altında şokolad istehsalı istehsalı prosesi haqqında danışdı. Şagirdlərin mövzu ilə bağlı suallarına aydınlıq gətirdi. Daha sonra ikinci qonaq Yaqut Nağıyev şagirdlər üçün "Kimyanı Niyə Sevməliyik" adlı çıxışını təqdim etdi. Şagirdlərin mövzu ilə bağlı suallarını cavablandırdı.

                Qonaqların çıxışının ardından "Bilik Yarışı" başladı. Bilik yarışında öncədən bu yarışda iştirak etmək istədiyini öz qeydiyyat formunda qeyd etmiş şagirdlərə 15 kimya sualı ünvanlandı. Bir qalib, üç fərqlənən müəyyənləşdirildi. Uğur qazanan şagirdlərə layihə rəhbəri adından fəxri fərmanlar təqdim olundu. Şagirdlərin fəxri fərmanları qonaqlar tərəfindən təqdim olundu. Bu məqamda layihə rəhbəri adından görüşdə iştirak edən qonaqlara təşəkkürnamələr də təqdim olundu.

                Sonra şagirdlər bir-birindən maraqlı üç kimya təcrübəsi izlədilər. Təcrübələri öncədən dəvət olunmuş ekspert İmran Rəhimov apardı. Rustov kənd tam orta məktəbinin şagirdi Tamerlan Bayramov təcrübələrin hazırlanmasında dəyərli ekspertimizə köməklik göstərdi. Aparılan təcrübələr, ləkənin itməsi, qırmızı fosfor və bertolle duzu qarışığının partlaması və hidrogen xlorid ilə ammonyak məhlulunun qarışığının "tüstü" əmələ gətirməsi təcrübələri oldu.

                Görüş aparıcının yekun çıxışı ilə başa çatdı. Aparıcı növbəti görüşün 25 noyabr tarixində Sumqayıt şəhər TET Gimnaziyada təşkil olunacağını bildirdi.  Əlavə olaraq qeyd edək ki, gələn görüşə dəvət olunacaq qonaqlar, bilik yarışlarında istifadə olunacaq suallar və nümayiş etdiriləcək təcrübələr tam fərqli olacaq.

 

XƏBƏRİ HAZIRLADI: Layihə rəhbəri Vəli Əliyev

 

Əlaqə:

 

 e-mail : info@kimyafobiya.org

 mobil  : (+994) 55 521 12 29

Bu resurs Azərbaycan Respublikası Təhsil Nazirliyinin təşkil etdiyi Təhsildə inkişaf və innovasiyalar üzrə I qrant müsabiqəsində qalib gəlmiş "KimyaFobiya ilə Mübarizə" layihəsi çərçivəsidə hazırlanmışdır. Təhsil Nazirliyi nəşrin məzmununa görə məsuliyyət daşımır.

"KimyaFobiya İlə Mübarizə" 

© 2019. Bütün hüquqlar qorunur.

Note: Please fill out the fields marked with an asterisk.