"KimyaFobiya ilə Mübarizə" adlı layihə çərçivəsində

orta məktəb şagirdləri ilə beşinci görüş təşkil olundu

 

                Azərbaycan Respublikası Təhsil Nazirliyinin təşkil etdiyi "Təhsildə İnkişaf və İnnovasiyalar Üzrə I Qrant Müsabiəqəsi"nin qalibi olmuş "KimyaFobiya ilə Mübarizə" adlı layihə çərçivəsində orta məktəb şagirdləri ilə ikinci görüş 2 dekabr tarixində Sumqayıt şəhər 18 saylı məktəbdə baş tutdu.  Saat 12:00-da başlayan tədbir 14:00-a qədər davam etdi. Tədbirdə öncədən onlayn qeydiyyat formunu dolduraraq qeydiyyatdan keçmiş yüzə yaxın şagird iştirak edirdi.

                Öncədən müəyyənləşmiş proqram əsasında təşkil olunan görüş aparıcı Könül Əzizəliyevanın çıxışı ilə başladı. Daha sonra söz layihə rəhbəri Vəli Əliyevə verildi. Layihə rəhbəri öz çıxışında Təhsil Nazirliyinin təşkil etdiyi I qrant müsabiqəsi haqqında ətraflı məlumat verdi, qalib gəlmiş layihə çərçivəsində görüləcək işlərdən danışdı. Layihə rəhbərinin çıxışının ardından söz Sumqayıt Dövlət Universitetinin Kimya və onun tədrisi kafedrasının professoru əməkdar müəllim Muxtar Səmədova verildi. Çıxış edən prosfessor Səmədov həyata keçirilən bu layihənin əhəmiyyətindən danışdı, gələcək perispektivləri olduğunu qeyd etdi. Çıxışında Sumqayıt Dövlət Universitetinin təhsil uğurlarından, orada aparılan tədris prosesindən də danışan professor universitetin artan müfuzu ilə hazırdan gənclərin maraq dairəsi içində olduğunu qeyd etdi. Daha sonra kürsüyə tədbirin təşkil olunduğu 18 saylı məktəbin direktor müavini dəvət olundu.

                Açılış çıxışlarının ardından söz "Günün qonağı" qismində könüllü olaraq qeydiyyatdan keçmiş və layihə rəhbərliyi tərəfindən görüş üçün seçilmiş Aydan Zeynalovaya verildi. İlk çıxış edən Aydan xanım şagirdlərə biokimya elmi, bu elmin perspektivləri və gələcək hədəfəriilə bağlı məlumat verdi. Şagirdlərin mövzu ilə bağlı suallarına aydınlıq gətirdi. 

                Qonaqların çıxışının ardından "Bilik Yarışı" başladı. Bilik yarışında öncədən bu yarışda iştirak etmək istədiyini öz qeydiyyat formunda qeyd etmiş şagirdlərə 15 kimya sualı ünvanlandı. Bir qalib, üç fərqlənən müəyyənləşdirildi. Uğur qazanan şagirdlərə layihə rəhbəri adından fəxri fərmanlar təqdim olundu. Şagirdlərin fəxri fərmanları qonaqlar tərəfindən təqdim olundu. Bu məqamda layihə rəhbəri adından görüşdə iştirak edən qonaqlara təşəkkürnamələr də təqdim olundu.

                Sonra şagirdlər bir-birindən maraqlı üç kimya təcrübəsi izlədilər. Təcrübələri öncədən dəvət olunmuş ekspert İmran Rəhimov apardı. Rustov kənd tam orta məktəbinin şagirdi Tamerlan Bayramov təcrübələrin hazırlanmasında dəyərli ekspertimizə köməklik göstərdi. Aparılan təcrübələr, ləkənin itməsi, qırmızı fosfor və bertolle duzu qarışığının partlaması və hidrogen xlorid ilə ammonyak məhlulunun qarışığının "tüstü" əmələ gətirməsi təcrübələri oldu.

                Görüş aparıcının yekun çıxışı ilə başa çatdı. Aparıcı növbəti görüşün 9 dekabr tarixində Sumqayıt şəhər 8 saylı məktəbdə təşkil olunacağını bildirdi.  Əlavə olaraq qeyd edək ki, gələn görüşə dəvət olunacaq qonaqlar, bilik yarışlarında istifadə olunacaq suallar və nümayiş etdiriləcək təcrübələr tam fərqli olacaq.

 

XƏBƏRİ HAZIRLADI: Layihə rəhbəri Vəli Əliyev

Əlaqə:

 

 e-mail : info@kimyafobiya.org

 mobil  : (+994) 55 521 12 29

Bu resurs Azərbaycan Respublikası Təhsil Nazirliyinin təşkil etdiyi Təhsildə inkişaf və innovasiyalar üzrə I qrant müsabiqəsində qalib gəlmiş "KimyaFobiya ilə Mübarizə" layihəsi çərçivəsidə hazırlanmışdır. Təhsil Nazirliyi nəşrin məzmununa görə məsuliyyət daşımır.

"KimyaFobiya İlə Mübarizə" 

© 2019. Bütün hüquqlar qorunur.

Note: Please fill out the fields marked with an asterisk.